iiich un nichs erzähle !!!!!!!
ja sog amol du Lauser mei Vade is aus Gostnhuuf und mei Mudda aus Italienien. dou bin i nou werkli ga gor stilla zeitgenosse, host mi?
Also aufgemerkt, du nimmst ein Stück Blech, Messing oder Alu ich habe ein 2mm Alu genommen, des brauchst dann net Lackiern wal sulche türn gibts a in echt. Kannst nu folgn ??
des schneid i dann in der Größ von den Luuch wou die Tür neigheert. Dann habi ich a Winkelschiene 11 mm ( des is grod 4 mm weniger als die Mauer stark) aus Alu 1,1 mm stark gnumma. Aus dem Winkeleisen hobi dann den Türstock und Fensterstock gschnittn. Fürs Fensta hob 5 mm abgschnittn damit net su dick is der Fenstastock. Für die Tür hob is glassn, pfeilgrod mauls alle der Türrohme is zu dick :ä .
Den Türstock hob i auf Gehrung gschnittn, wal i mer dacht hob, des war der Dorfschlosser der hat a zeign wolln wos er ko
.
Alsch erstes hobi den Türstock neigleimt, alles mit aan Baukleber, waal den sin die Außenwitterungen wurscht
.
Dann hob i des Türblech vo hintn neipabbd. Aus denne Abfallstreiffn, vum abgschniddene Winkelalu, hobi jetz die Füllunge im goldener Schnitt eipasst und neigleimt
den goldner Schnitt host amol in der Schul glernt.
vielleicht
Die untere Füllung der sogenannte Stouss muss a weng a dickers Blech sei und schräg angfeilt, wiö des halt amul su bei den altn Türn em sou wor.
Die Fensterlaibung hob i dann auf stoß wiö sichs gheert gschnittn dann hob i an Edelstahdroht 1,5 mm aaf diö Läng zwickt und zwor 5mol. Dann hob i Löcher neigbohrt, in die Laibunge halt. Blickst nu durch ??
Danach hob is aafgfädelt und neigleimt die hintn sitzenden zuerscht.
Dann hobis Lackiert und den Türstock aa. Natürli hobi die Tür abklebt. Die soll ja Natur bleim.
Dann hobi nu aus Laminatrestle, suwos hat a Baschtler imma daham, die Rückseite abgschpaltn, waal die Rückseitn aa scheen klaane Holzmaserung hot, aba wall des Laminat im Gegensatz zum Holz nicht ärbat, (Alsu des verhällt si mer wie a Beamter) ist der Fensterdeckl den i aus dem Material gmacht hob, Wetterfest. Warum aa Deckel ? macht amol die Augn draussn aaf und ihr werd sehgn dass sulche Fensterlöcha oft blous mit su aan Holzdeckel von inna verschlossn sin. :mäh .
Dann bin i ins Internet hab üba google Bilder nach Hochspannungsschildern gsucht dou hobi mer dann ans ausdruckt aaf die richtige größe gebracht und Laminiert. kannst nu imma folgn ??
Vo meiner HO-Eiseboh hobi nu a paar Leitplankn ghabt die hob i halbiert und als Rahme für des Schild gnumma und an di Tür hipabbt.
Zum Schluss hob i aus dem Draht nu aan Türgriff buugn und neibohrt, des wor scho alles
Und jetzat trink i mei Rotwein weida proust Gemeinde